Районның авыл хуҗалыгы предприятиеләрендә көзге кыр эшләре комплексы үтәлеше барышын анализладылар

(Тәтеш, 22 октябрь, "Тәтеш таңнары"). Район активы киңәшмәсендә җаваплы хезмәтләрнең узган атнадагы эшенә нәтиҗә ясадылар, агымдагы атнага бурычлар билгеләделәр;  муниципалитеттагы оператив хәлне, районның авыл хуҗалыгы предприятиеләрендә көзге кыр эшләре комплексы үтәлеше барышын анализладылар; районның хезмәт базарындагы киеренкелекне киметү буенча Тәтеш районы халык мәшгульлеге үзәге уздыр­ган чаралар турындагы мәгълүматны тыңладылар.