Тәтеш районы башлыгы Рәмис Сафиуллов Украинага, махсус операциядә катнашучыларга, РФ Үзәк хәрби округы солдатлары өчен, алдан ук билгеләп куелган 60 тоннадан артык гуманитар ярдәмнең яңа партиясен илтте.
(Тәтеш, 24 август, “Тәтеш таңнары”).
– Хәзерге вакытта алгы сызыктагы хәрби хезмәткәрләргә ярдәм һәм матди булышлык кирәк. Бөек Ватан сугышы елларында тылда булучылар үзләренең саклаучыларына – безнең солдатларга ничек итеп ярдәм итүләрен әти-әниләр сөйләгәннәрдән яхшы беләбез. Бүгенге көндә, Россия өчен җиңел булмаган вакытта, Украинадагы махсус операциядә катнашучыларга мөмкинлеге булган һәркем ярдәм итәргә тиеш, дип саныйм. Сүзе белән дә, гамәле белән дә, – дип уртаклашты Рәмис Хатыйп улы.
Билгеләп үтәргә кирәк, гуманитар ярдәм район башлыгының шәхси акчасына оештырыла, һәм бу аның Украинага бишенче тапкыр баруы.
фотоны Рәмис Сафиуллов тәкъдим итте
Нет комментариев