Тәтеш ягы тарихы музееның Сугышчан дан залында гаҗәеп экспонат: агач велосипед бар.
(Тәтеш, 13 октябрь, “Тәтеш таңнары”, Алинә Тарханова).
Әлеге техниканы Кошки-Новотимбаево авылында туган, Бөек Ватан сугышында катнашкан Степанов Яков Федорович 1946 елда үзе ясаган.
Фронтовик Берлинга кадәр барып җиткән. Ул нәкъ тә шунда, шәһәр урамнарында, велосипед күргән, бу аңарда соклану уяткан. Яков Федорович балалары өчен агачтан шундый ук велосипед ясау теләге белән янган. Малайлар мондый транспортка ия булырга хыялланганнар. Сугыштан соңгы елларда да әле велосипед уртача керемле кешеләр өчен җитешлек билгесе булып калган. Сугышчы фронттан кайткач, үзенең хыялын чынга ашырган. Агач велосипед – җирлектәге барлык бала-чагаларның зур шатлыгына әйләнгән. Балалар аңарда чиратлашып йөргәннәр һәм моңа бик сөенгәннәр.
фото: Тәтеш ягы тарихы музееннан
Нет комментариев