Тәтештә туган тел укытучыларының Бөтенроссия конкурсының муниципаль этабы узды
Җиңүчеләр конкурсның йомгаклау этабында эшләү тәҗрибәсе белән таныштыра.
(Тәтеш, 6 март, “Тәтеш таңнары”). Педагогларның статусын күтәрү, педагогик тәҗрибәне һәм һөнәри осталыкны тарату, татар, чуаш, мордва, рус телләрен һәм әдәбиятын укыту методикасының инновацион элементларын күрсәтү максатыннан, "Педагог һәм остаз елы" һәм "Милли мәдәниятләр һәм традицияләр елы" кысаларында Тәтеш татар мәктәбендә "Туган тел" мастер-класслары конкурсы узды.
Укытучылар педагогик остаханәләр күрсәттеләр, "Халкым мирасы" дәрестән тыш эшчәнлек проектларын тәкъдим иттеләр, шулай ук "Мәгариф системасында туган тел, мәдәният һәм әдәбият: традицияләр һәм инновацияләр" түгәрәк өстәле эшендә катнаштылар.
Конкурс нәтиҗәләре буенча җиңүчеләр дип танылды:
Таҗиева Миләүшә Мөнир кызы, Килдеш урта мәктәбенең туган теле һәм әдәбияты укытучысы;
Торгашова Алена Николаевна, Богдашкино төп гомуми белем бирү мәктәбенең туган (чуваш) теле һәм әдәбияты укытучысы
Тәтеш татар мәктәбенең туган теле һәм әдәбияты укытучысы Сәгыйрова Гөлзәр Наримапновна призер булып танылды.
Җиңүчеләр конкурсның йомгаклау этабында эшләү тәҗрибәсе белән таныштыра.
Следите за самым важным и интересным в Telegram-каналеТатмедиа
Нет комментариев