Тикшерүләр исемлеге зурайды

 – 2025 елда диспан­се­ри­зация һәм профи­лак­тик тикшеренү нәти­җәләре буенча Татарстан халкында 100 меңнән ар­тык чир ачыкланган, рес­пуб­лика­дагы һәр 10 кеше­нең бер­сендә төрле авы­ру­лар арту куркынычы булган.

Профилактик ярдәм күр­­сә­тү өлкәсендә быел яңа­­­­­лык­лар барлыкка кил­­де. 18 – 40 яшьлек бар­лык па­­циентларда кан­да ли­попротеинны (а) бер тап­кыр билгеләү һәм ли­пид профилен (атеросклероз­ны профи­лак­тикалау өчен) бәяләү башкарылачак, 18 – 39 яшьтә – 6 елга бер тап­кыр, 40 һәм аннан өлкәнрәк яшьтә – 3 елга бер тапкыр. 

21 – 49 яшьлек хатын-кызларда “репродуктив дис­пансериза­ция” узганда 5 елга бер тапкыр югары канцероген куркы­нычлы кеше папилломасының ДНК-вирусларын билге­ләү үткәреләчәк (ана­лык муентыгы яман ше­шен про­филактикалау). Уңай нә­тиҗә булганда – ци­тологик тикшеренү карал­ган. Ар­териаль гипертензия һәм шикәр диабеты бул­ган пациентларны дис­­пан­сер күзәтүе аерым оч­рак­ларда телемедицина тех­нологияләрен кулла­нып, дистанцион рәвештә баш­карылырга мөмкин. 2026 елда дис­пан­се­ризация үтәр­гә мөмкин булган кеше­ләр: 1987, 1990, 1993, 1996, 1999, 2002, 2005 һәм 2008 еллар­да туучылар. 

40 яшьтән өлкәнрәк­ләргә дис­пан­­сериза­ция­не ел саен узарга ки­рәк, – ди Тәтеш үзәк рай­он хастаханәсенең участок та­биб-терапевты Динара Хәбибуллина.

фото: архив/Авангард