Тәтеш районына эшлекле сәфәр белән Татарстан Рес­публикасының яшьләр эшләре буенча министры килде

(Тәтеш, 24 июль, “Тәтеш таңнары”). 

Тәтеш районына эшлекле сәфәр белән Татарстан Рес­публикасының яшьләр эшләре буенча министры Тимур Сөләйманов килде.

Тимур Җәүдәт улы яшьләр сәясәте учреждениеләре эшчәнлеге белән танышты һәм “Акчарлак” шәһәр яны сәламәтләндерү лагерендә булды. 

Тәрбия – быелгы җәйге сәла­мәтләндерү кампаниясендә балалар лагерьләренең төп темасы. Язын мәгариф министрлыгы балалар федераль үзәкләре белән берлектә бердәм тәрбия программасы әзерләде, аңа барлык стационар лагерьләр дә кушылды. Әлеге программа кысаларында зур чаралар каралган, алар җәйге лагерьләр­дә ял итүче барлык балаларны берләштерә. 

Тәтеш районының “Акчарлак” балалар лагерендә профильле кинофильмда катнашучылар видеоролик төшерделәр, анда заманча яшьләр турындагы сорауларга җавап бирергә тәкъдим ителде. Шунда ук “Дөнья халыклары дуслыгы” дип исемләнгән яшьләр фестивале дә узды.
Яшьләр эшләре буенча министр билгеләп үткәнчә, сменаларның тирәнтен мәгънәгә ия өлеше ба­лаларның ялын һәм сәламәтләнүен оештыру барышында өстенлекле бурыч булып тора. Бала сменада булганда, балалар, вожатыйлар белән аралашкан вакытта, лагерь программасында катнашканда аларда мөһим коммуникатив күнекмәләр, шәхес булдыру һәм тәрбияләү процессы барлыкка килә.