Ераклыкны барысы да үттеләр

(Тәтеш, 8 октябрь, “Тәтеш таңнары”).
ТРның атказанган укытучысы, ТРның физик культура һәм спорт отличнигы Рәшит Габдрахманов Кубогына җиңел атлетика кроссында тәтешлеләр генә түгел, шулай ук күрше районнардан килгән яшь спортчылар да катнашты. 

Сентябрьнең соңгы көне салкынча, болытлы, ләкин яңгырсыз булды һәм хәтта вакыты-вакыты белән кояш та балкып алды. 
– Бернинди һава торышы да комачаулый алмый, – диде үзенең кызы Регина өчен җа­натарга килгән тә­тешле Гөлия  Курцева. – Җиңел атлетикага без нибары сентябрьдән генә йөри башладык, шулай да кызым тренер Рәшит Рәхимовичны бик хөрмәт итә. Ул җи­ңел атлетикадан канә­гатьлек ала, катлаулырак, әлбәттә, авырлыгы күп, ләкин шөгыль­ләнүләрнең аралашу, сәламәтлек өчен файдасы зур. Спорт – ул яшәеш. Әгәр беренче булып йөгереп килә ал­масаң да, борчылырга ки­рәкми, без әле башла­дык кына, иң мөһиме – катнашу, ә алда әле җи­ңүләр булачак, дип ки­сәтеп куйдым баламны.   
Һәм менә яшь спорт­чыларның ­беренче йө­герешенә старт би­­рел­де. Ата-аналар: “Бул­дырасың! Әй­дә!” – ди­гән тавышлар белән аларга рухи көч өстәп ­тордылар.      
Аня ераклыкны җи­ңел үтеп чыкты. “Сиңа кубок бирәчәк­ләрме?” – дип кызыксындым аңардан. “Әлбәттә”, – дип җавап бирде бәхетле җиңүче һәм аның кубок­лары күп булуы белән уртаклашты.

Спорт бәйрәме һәр­бер катнашучының шәх­си казанышларына яңа нәтиҗәләр китерде. Ан­на Юдина бөтенләй дә кечерәк кызлар арасында 500 метрга йөгерүдә җиңүче булды, икенче урын – Ева Арисовада, өченче булып Ульяна Таранова килде. Малайлар арасында алтын медальне Эмиль Чумарин яулады, Апастан килгән йөгерүчедән аз гына калышып, Ринат Миңнуллин өченче урынны алды. 

Татьяна Ханжина бер чакрым ераклыкта беренче булып йөгереп килде, малайлар арасында Михаил Мечтанин алдынгы булды. Тоншерма авылыннан Данил Степанов бронза яулады. Карина Абашина, Алинә Гарифуллина да шулай ук алтын медаль алуга ирештеләр, Майя Таранова, Вадим Черемшанов, Богдашкинодан Яна Краснова, Киртәледән Тәүфыйк Гайнуллин кө­меш медальгә ия бул­дылар. Килдештән Ан­на Петрова белән кадетлар Никита Чайкин һәм Ленар Кальсин мактау пьедесталы­ның өченче баскычына күтә­релделәр. 

– Йөгерү гәүдә үсеше­нә генә түгел, шулай ук рухи яктан да тәэсир итә, шуңа да спорт яшәү рәвешенә әйләнергә тиеш, – диде Рәшит ­Габдрахманов.  

фотоны Рәшит Габдрахманов тәкъдим итте