Рәмис Сафиуллов чик сакчыларын һәм ветераннарын бәйрәм белән котлый

(Тәтеш, 28 май, “Тәтеш таңнары”). Район башлыгы Рәмис Сафиуллов чик сакчыларын һәм ветераннарын бәйрәм белән котлый.

– Әлеге көн дәүләтебез чикләрен саклау буенча хәрби бурычын үтәгән яки бүгенге көндә дә бу җитди хезмәтне башкаручы һәр ир-егеткә карата ихтирам һәм хөрмәт хисе уята. Батырлык һәм кыюлык, үзара ярдәмләшү хисе, һөнәри осталык, югары әхлакый рух һәм Ватанга тугрылык – чик  сакчыларының төп сыйфатлары. Сезнең намуслы хезмәтегез – илебез чикләренең ныклыгын һәм гражданнарыбызның тынычлыгын тәэмин итә. 

Чын күңелдән сезгә һәм якыннарыгызга иминлек, нык сәламәтлек, бәхет, ­тынычлык телим!