Рәмис Сафиуллов музей хезмәткәрләренә һәм музей хезмәте ветераннарына мөрәҗәгать итә

(Тәтеш, 18 май, “Тәтеш таңнары”). Район башлыгы Рәмис Сафиуллов музей хезмәткәрләренә һәм музей хезмәте ветераннарына мөрәҗәгать итә:

– Туган якның мәдәни мирасын саклауда, рухи-әхлакый кыйммәтләрне торгызуда, ватанпәрвәрлек булдыруда сезнең өлеш кертүегез бәяләп бетергесез. Сез игелекле гамәл белән шөгыльләнәсез, үзенчәлекле тарихи материалларны бөртекләп җыясыз, фәнни-тикшеренү эшчәнлеге, яшьләр белән белем һәм тәрбия эшләре алып барасыз.

Намуслы хезмәтегез, тырышлыгыгыз, яраткан эшегезгә карата чиксез тугрылыклы булуыгыз өчен рәхмәт белдерәм. Нык сәламәтлек, җитешлек, иҗади планнарыгызны тормышка ашырганда уңышлар һәм яңа казанышлар телим.