Авыл кешесе Юрий Егоркин теләсә нинди техниканы иярли

(Тәтеш, 20 май, “Тәтеш таңнары”).

Авыл кешесе Юрий Егоркин теләсә нинди техниканы иярли. 

Юрий Петровичның хез­мәт стажы – 30 ел, ул җир­лектәге колхозда мәк­тәп­не тәмамлаганнан соң, армиягә киткәнче үк, эшли башлаган.  

– Армиядә шофер булдым, калырга дип тә тәкъ­дим иткәннәр иде, лә­кин мин баш тарттым, туган йортка кайтасым килде, колхозда мине ул чакта яңа автобус көтә иде. Бу транспорт бик кирәкле булды: механизаторларны Тәтешкә “Сельхозтехника”га илттем, анда авыл хуҗалыгы техникаларын ремонтладылар, сыер савучыларны, балаларны – Ульяновскига, бервакытны дуңгызчы­лык фермасында эшләүче делегацияне Куйбышев өлкәсенә алып бардым, анда безнең алдынгылар үзләренең тәҗрибәләре белән уртаклаштылар, кыс­касы, автобусның һәрчак кирәге чыкты, – дип искә ала Юрий Петрович.  

Ир-егетләрнең хәзерге вакытта да авыл хуҗалыгы предприятиесендә  эшләре тыгыз. Әлегә ул тракторда эшли – кырга иген, ашлама ташый. Хезмәттәшләре әйтүенчә, ул теләсә нинди техниканы яхшы белә: азык әзерләү вакытында траншеяда азык үләнен тыгызлап тутыру белән шөгыльләнә, шулай ук туплагыч-җый­гычта эшли, кышын техниканы һәм тагылма җайланмаларны: прицепларны, культиваторларны, чәчкечләрне ремонтлый, дуслары аны шулай ук куллары һәр эшкә оста, дип билгеләп үтәләр.