Кар чистарту эшләре дәвам итә

Илнур Шиһапов, «Бакырчы» авыл хуҗалыгы предприятиесе:

— Тәтештә юлларны чистарту белән икенче атна шөгыльләнәм, элек бу эшне район буенча да алып бардым. Хәзерге вакытта шәһәр читенә чыгару өчен тракторларга кар төяү белән шөгыльләнәм. Иртәнге сәгать җидедән кичке алтыга кадәр эшлим, әлбәттә, төшке ашка тәнәфес белән. Быел кыш бик нык карлы булды, ә җәй көне, авыл хуҗалыгы культураларын үстерү өчен кирәк булганда, явым-төшем җитмәде. Әмма берни дә эшләп булмый, табигатьнең начар һава торышы юк.