Авыл юлларын яңа тракторлар чистарта

(Тәтеш, 14 январь, “Тәтеш таңнары”, Галина Таҗетдинова, Зоя Адайкина фотосы). 

Кирәкле техника конкурс нәтиҗәләре буенча – рес­публика гранты акчасы хисабына алынган. Аңа район бюджетыннан да өлешчә акча бүлеп бирелгән. Авыл җирлекләре башлык­лары уртаклашканча, авыл ке­шеләре өчен бу бик матур Яңа ел бүләге булган, чөнки тракторлар урамнарны кардан чистартуда һәм башка күп кенә мәшәкатьләрне хәл итүдә зур булышлык булып тора, алар ел әйләнәсе кирәк. 

– Без үз тракторыбыз­ны эшләтеп карадык инде, безнең эттерү җай­ланмасы бар иде, механизатор Анатолий Кузин Льяштә, Олы Бисәрдә, Ямбактыда урам юлларын чистарта, – дип хәбәр итә Льяш авыл җирлеге башлыгы Ирина Тихонова. – Җәй айларында аның белән чүп үләннәрен чабу эшләре башкарылачак, безнең инде чапкыч сатып алынды. Универсаль ярдәмче авылларны төзекләндерү буенча төрле мәсьәләләрдә дә һәрвакыт бик урынлы ­булачак.