Яңа ел сәяхәте ясадылар

(Тәтеш, 27 декабрь, “Тәтеш таңнары”).

Узган атнада балалар Кар бөртекләре, бүләкләр тутырылган капчык аскан Кыш бабай белән бергә Россиянең әкият картасы буенча яңа ел сәяхәтенә бардылар, шулай ук аның исеменнән бәйрәмгә әкият персонажларын да чакырдылар. Алар Кострома өлкәсендә Кар кызында, Иваново өлкәсендә Василиса Премудрая янында булдылар. Ул зирәклеккә оста булуы – күп нәрсәләр эшли белүе, барыннан да бигрәк шәл бәйләргә яратуы турында сөйләде һәм балалардан әлеге кул эшләре өчен нинди төстәге җеп йомгак­лары туры килүе хакында сорады. Йомгакларны рәт буйлап җибәрүле күңелле ярышта, аңа ак һәм кызыл җеп йомгаклары кирәк булачагы ачыкланды. 

Тверь өлкәсендә кунак­ларны Үлмәс Кощей каршылады. Ярославль өл­кә­сендә – Убырлы Карчык, Ульяновскида – Колобок, Псковта – Су анасы белән аралаштылар. Кар бөртекләре илебезнең никадәрле гүзәл булуын, анда никадәрле хезмәт сөю­чән кешеләр яшә­вен белделәр. Моны залда утырган балалар да күрделәр.    

Лаптевкадан Фәүзия Карпова белән Монастырскийдан Лидия Шмагина тамашага оныкчыклары Викторияне алып килгән­нәр, аның әтисе махсус хәрби опе­ра­циядә катнашып, хәрби бурычын үти. Ул Тәтештәге кадет мәктәп-интер­натын тәмамлаган, артиллерияче булып хезмәт иткән.

– Бүген әтинең туган көне, – диде кыз. – Без аны котладык, смс-хәбәр яздык. Әти кайчакта шалтырата, барысы да яхшы, дип әйтә, без дә аңа монда барысы да яхшы, сагынабыз һәм аны өйдә көтәбез дибез.

Мәктәп укучысы Крис­тина бәйрәмгә үзенең әни­се белән килгән, ул район мәдәният йортындагы мондый чараларга ел саен килүе, актерларның уйнавы, тылсымлы дөнья аңа бик тә ошавы турында ­уртаклашты. 

Дүшәмбе көнне балалар Вакытны саклаучы турындагы яңа ел тарихыннан һәр минутның кадерен белергә кирәклеген, шулай ук игелек­ле гамәлләрне эшләве һич кенә дә авыр түгеллеген бел­деләр. Аж­даһаларны җи­ңү кирәк тә түгел, хәтта иң кеч­кенә генә мәрхәмәтле гамәл дә тирә-юньдәгеләр өчен зур байлыкка әверелер­гә мөмкин. 

Район башлыгы Рәмис Сафиуллов мәктәп укучыларына сәламләү сүзләре белән мөрәҗәгать итте.   

– Узып баручы елда сез­нең һәркайсыгыз укуда, иҗатта, спортта шактый зур күрсәткечләргә иреште, – диде Рәмис Хатыйп улы. – Мин фойедагы кул эшләнмәләре күргәзмәсен карадым, алар бик матур, үзен­­чәлекле, эчтәлекле, һәр ба­ла үзенең сәләте белән аерылып тора. Үсеш алыгыз, әти-әниләрегезне, педагог­ларны сөендереп, безнең барыбыз өчен дә, бүгенге кебек, һәрчак горурланырлык  булып үсегез. 
Яңа ел тамашасында булган барлык балалар Тәтеш районы башлыгы Рәмис Сафиулловтан һәм РФ дәүләт депутаты Ирек Богуславскийдан бүләкләр алдылар.