Рәмис Сафиуллов эчке эшләр органнары хезмәткәрләрен һәм ветераннарын бәйрәм белән котлый

Тәтеш районы башлыгы Рәмис Сафиуллов эчке эшләр органнары хезмәткәрләрен һәм ветераннарын бәйрәм белән котлый:

– Сез үз тормышыгызны мөһим һәм җаваплы эшкә – гражданнарның хокукларын һәм законлы мәнфәгатьләрен яклауга, җәмәгать тәртибенә, иминлеккә һәм җинаятьчелеккә каршы көрәшүгә багышладыгыз. Эчке эшләр органнарында хезмәт итү иң авыр һәм җаваплы хезмәтләрнең берсе булып санала, хезмәткәрләрдән югары әхлакый сыйфатлар, тирән белем, гражданнарга игътибарлы һәм сизгер мөнәсәбәт таләп итә. Ышаныч һәм дөреслек белән халыкка хезмәт иткән, Ватан ­алдындагы конституцион бурычларын намуслы һәм лаеклы итеп үтәгән ветераннарга аерым рәхмәт. 

Сезгә һәм сезнең якыннарыгызга нык сәламәтлек, җитешлек, гаилә бәхете телим!