6 ноябрь – Татарстан Республикасы Конституциясе көне.
Тәтеш районы башлыгы Рәмис Сафиуллов район халкын бәйрәм белән котлый:
– Татарстан Республикасы Конституциясе – ул гади кагыйдәләр җыелмасы гына түгел, ә Татарстанның иминлеге нигезендә яткан ныклы таяныч. Әлеге хокукый нигез ярдәмендә республикабыз ышанычлы рәвештә үсеш ала, заманча предприятиеләр, мәктәпләр һәм хастаханәләр төзи, шул ук вакытта үзенең кабатланмас милли үзенчәлеген саклап кала.
Тәтеш җире үзенең бай тарихы һәм хезмәт сөючән халкы белән хаклы рәвештә горурлана. Безнең уртак бурычыбыз – тотрыклылыкны саклау, тату күршелек традицияләрен ныгыту һәм тырыш хезмәтебез белән туган ягыбызның чәчәк атуына үз өлешебезне кертү.
Килешү һәм дуслык һәрвакыт безнең төп таянычыбыз булсын, ә туган республикабыз чәчәк атсын һәм киләчәктә дә үсеш алсын!
Нет комментариев