3 сентябрьдә тәтешлеләр «Җиңү диктанты» халыкара патриотик акциясенә кушылачак.

(Тәтеш, 2 сентябрь, “Тәтеш таңнары”). 3 сентябрьдә тәтешлеләр "Җиңү диктанты" халыкара патриотик акциясенә кушылачак.

Катнашучыларга 45 минут эчендә Бөек Ватан сугышы белән бәйле 25 биремне үтәргә туры киләчәк.

Тәтештә Бөек Ватан сугышы вакыйгалары темасына "Җиңү диктанты" халыкара тарихи диктанты Тәтешнең 1нче урта мәктәбе базасында узачак.

Катнашырга теләүчеләргә  диктантпобеды.рф сайтында теркәлергә кирәк.

2021 елда "Җиңү диктанты" акциясендә 1,5 миллион кеше катнашкан.

Белешмә:
"Җиңү диктанты" акциясе 2019 елда гамәлгә куелды.

фото: скриншот