Буяганнар, чәчәкләр утыртканнар

(Тәтеш, 18 август, “Тәтеш таңнары”). Тәтешкә 200 ел урамындагы 1нче йортның кечкенә генә ишегалдын үрнәк дип атарга мөмкин – әлеге йортта яшәүчеләрнең тырышлыгы ярдәмендә биредә матурлык һәм тәртип хөкем сөрә.

Йорт буенча җаваплы Наталья Данилова билгеләп үт­кәнчә, йорт яны территориясен төзекләндерүдә барлык яшәүчеләр дә диярлек катнашкан, һәркем уртак эшкә үз өлешен керткән. Бу гаҗәп тә түгел, чөнки алар үзләрен бер “гаилә” дип атыйлар бит.

– Без берничә дистә ел бергә. Безнең йортта яшьләрдән Курковлар гаиләсе яши, аларның кечкенә кызлары бар. Алар аның өчен комлык ясадылар, хәзер безгә күрше ишегалларындагы балалар да йөри, – ди Наталья Пет­ровна. – Быел без чәчәкләр утырттык, алгы як рәшәткәләрне буядык, буяуга акчаны “Төньяк” территориаль иҗтимагый үзи­дарәсе рәисе бүлеп бирде. Узган ел ул үз хисабына һәр подъезд өчен эскәмияләр ясатты. Куак­ларны кисүдә катнашкан бездә яшәүче Вера Трифонова, Валя Куркова, Надежда Зорина һәм Шәүкәт Сөләймановны билгеләп үтәсе килә.