Йодрыклар, сәнәкләр һәм балталар эшкә җигелгән

(Тәтеш, 9 октябрь, “Тәтеш таңнары”). Алкоголизмнан интегүче кешенең шәхесе иртәме-соңмы үзгәрә, ул ярсый башлый һәм әхлакый нормаларны үтәүдән туктый. Әлеге бәйлелекнең нәрсәгә китерүе полициядән бирелгән мәгълүматларда ачык чагыла.

• Байраш авылында яшәүче бер хатын-кыз рай­онның полиция бүлегенә гариза белән мөрәҗәгать иткән. Хатын-кыз балигълык яшенә җитмәгән улына үтерү белән янап, балта белән селтәнгән авылдашын җаваплылыкка тарту хакында үтенгән. Яшүсмер үзләренең йорт ишегалдына йөгереп кергән һәм капканы бикләп куйган. Җәнҗал чыгаручы зыян күрүченең йорты янына куелган машинасына балта белән суккан.

• Россия Эчке эшләр министрлыгының Тәтеш рай­оны бүлеге мәгълүматлары буенча, Монастырский авылында яшәүче, элек тә берничә тапкыр хөкем ителгән кеше авылдашы янына кунакка барган. Соң гына төнлә белән, мәҗлес вакытында, ир-атлар арасында кинәт кенә бәхәс чыккан. Кунак хуҗаны кыйный башлаган һәм үтерү белән янап, аның башына шешә белән китереп суккан.

• Тәтешле Олы Тормы авылы кешесен законда билгеләнгән җаваплылыкка тартуны үтенә. Авыл кешесе исерек килеш аңа үтерү белән янап, сәнәк белән селтәнгән.

• Исерек хәлдәге шәһәрле үзенең элекке хатынының фатирына законсыз рәвештә үтеп кергән. Ул үтерү белән куркытып, аны буарга теләгән. Аның сүзләрен хатын-кыз җитди кабул иткән һәм ярдәм сорап полициягә мөрәҗәгать иткән.

• Жуково авылында яшәүче элек тә күп тапкырлар хөкем ителгән ир-ат ышанычны яулаган, ләкин аклый алмаган. Ул Тәтештә булган чагында, алкоголь өчен  акчаны танышының банк картасы белән түләгән, картаны хуҗасына белә торып кире кайтармаган. Соңрак, шәһәр кибетләренең берсендә, 1592 сумга спиртлы эчемлекләр һәм азык-төлекләр сатып алган.