Тәтеш таңнары

Тәтеш районы

Рус Тат
Җәмгыять

Кырларда мул уңыш сөендерә

Район газетасы хәбәрчеләре “Новая Заря” һәм “Нива” авыл хуҗалыгы предприятиеләрендә булдылар.

(Тәтеш, 14 август, “Тәтеш таңнары”). “Новая Заря”ның баш агрономы Рәис Галиуллин үзенең Олы Тормыда хезмәт итәргә калачагын һәрвакыт белгән.
Яшь чагында каникул вакытында комбайнчы ярдәмчесе була, мәктәпне тәмамлап, авыл хуҗалыгы техникумына агрономия бүлегенә укырга керә, ә аны тәмамлаганнан соң җирле  колхозга учетчик вазифасына ­чакыралар.

Армия сафларында хезмәт иткәннән соң, Рәис туган якларына әйләнеп кайта, гаилә кора.
Баш агроном вазифасында ул инде 28 ел, озак еллар намуслы хезмәте өчен ир-ат югары бүләк – “Татарстан Республикасының атказанган агрономы” исеменә лаек булган.

– Техникумда педагоглар бел­­гечлегем буенча яхшы белем бирделәр, ә мин аларны үз җиремдә практика белән ныгыттым, – ди Рәис Шәрәфлислам улы. – Бергә укыган курсташларым кемнәр генә булып бетмәделәр, укып чыккан 100 кешедән бары тик мин һәм Сарман районында тагын бер кеше генә агроном булып эшлибез.

Белгеч билгеләп үткәнчә, быел бөр­теклеләрнең уңышы куандыра.

– Төгәл санны әйтмим әлегә, чөнки басулардагы уңышны түгел, ә запаста булган уңышны исәпләргә кирәк, – ди ул. – Мо­ның өчен без бик күп акча һәм көч сарыф иттек. Гектарына тәэсир итүчән матдәдә 120 килограмм ашлама керттек, яфракларын тукландырдык, үсем­лекләрне авырулардан һәм корткычлардан сакладык, саклау чараларына 6 миллион сумнан  артык акча бүлеп бирелде.

Хуҗалыкта чәчү мәйданы 2674 гектарны тәшкил итә: 1050 гектарда – бөртеклеләр, 1253 гектарда – азык культуралары, 165 гектарда – шикәр чөгендере, ул да шактый уңыш бирер дип көтәбез.

– Бездә орлыкчылык ху­җа­лыгы, орлыкларны складларда саклаячакбыз, – дип хәбәр итте Рәис Шәрәфлислам улы. – Безнең җитәкчебез Илһам Исламович матди-техник базаны үстерүгә зур игътибар бүлеп бирә, тагын ике яңа ангар төзелә. Әлегә барысы да яхшы бара, һава торышы гына барысын да җыеп алырга мөмкинлек бирсен иде.
 

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев