Россия солдатларына ярдәм итеп

(Тәтеш, 8 апрель, “Тәтеш таңнары”).  Тәтеш ягы тарихы музее коллективы ­“Татарстан хатын-кызлары” тө­бәк җәм­гыятенең Тәтеш районындагы хатын-кызлар советы белән берлектә Украинада махсус операцияләрдә кат­нашучы Россиянең хәрби хезмәткәрләренә ярдәм итү акциясенә кушылды. Беренче этап кысаларын­да 60 килограммга якын авыр­лыктагы 12 тартма җы­елды.

– Безнең солдатлар гомер­ләрен куркыныч астына куеп, махсус операциядә катнашалар, шул исәптән ярдәм күрсәтәләр һәм Украинаның тыныч халкын коткаралар. Бу авыр вакытта аларга ватандашларының ярдәмен тою мөһим. Без, тапшырылган бүләкләр солдатларның кәефен күтәреп кенә калмас, ә алар белән горурлануыбызны, җиңүләрен теләвебезне һәм аларның тизрәк кайтуын көтүебезне дә белдерер дип өметләнәбез! – диделәр акциядә катнашучылар.