Жиңүчеләр бүләкләнде

Бүләкләү тантанасында ТР экология һәм табигый ресурслар министрлыгының II разрядлы өлкән белгече Әмир Җаббаров катнашты. Шәһәрдәге “Әкият” балалар бакчасы – “Иң яхшы балалар бакчасы” но­минациясендә, Килдеш урта мәктәбе – “Иң яхшы мәктәп” номинациясендә, Тәтеш урманчылыгы “Иң яхшы предприятие” номинациясендә җиңүче дип танылды. Тәтештән Нигъмәтуллиннар гаиләсе “Иң яхшы гаилә” номинациясендә җиңде.      
– Республикада “Экояз” бәйгесе ел саен санитар-экологик ике айлык кысаларында уздырыла. Быел да Тәтеш районы бәйгедә актив катнашты, – дип билгеләп үтте Тәтеш районы башкарма комитеты каршында эшләп килүче административ комиссиянең баш белгече-җаваплы секретаре Юлия Долинина.