Яшь тәтешлеләр хатын-кызлар көрәше буенча балалар арасында “Поддубныйның мәктәп көрәш Лигасы” – PWL-school турнирының икенче этабында өч алтын һәм ике көмеш медаль яуладылар.
(Тәтеш, 21 октябрь, “Тәтеш таңнары”).
Татьяна Долгова, Дарья Мартынова һәм Рания Рахманова үз үлчәү авырлыкларында беренче урыннарны алдылар. Замина Дугалева белән Виктория Тайманова икенче булдылар.
– Әлеге дәрәҗәле турнирда Рания белән Татьяна инде икенче тапкыр җиңү яуладылар, – дип билгеләп үтте спортчыларның тренеры Сәгыйть Ибраһимов.
Профессиональ көрәш лигасында ирекле көрәш буенча бронза медальне Виктория Хөсәенова яулады. Ярышлар Мәскәүдә узды.
Нет комментариев