Авыл сулыши

(Тәтеш, 10 декабрь, “Тәтеш таңнары”). 

Сөендек авылы кешеләре “Хәтер урыны” проекты кысаларында “Чиста обелиск” дигән ватанпәрвәрлек акциясе оештырганнар. Алар Бөек Ватан сугышында катнашкан якташлары хөрмәтенә куелган һәйкәлнең тирә-ягын чистартып, тыныч тормыш өчен якташларына ихтирам һәм рәхмәт хисләрен белдергәннәр.

Алабирде авылыннан Рамил Зәйнуллин (фотода уңда) һәм Альмир Гайнетдинов (фотода әти-әнисе белән) армиядән кайттылар, дип редакциябезгә хәбәр иттеләр авыл кешеләре.
– Солдат егетләр әти-әниләрен, туганнарын, дусларын сагынып, безнең ышанычны аклап, бик әйбәт хезмәт итеп кайттылар. Изге теләкләр әйтеп, әле генә озатып калган идек. Вакыт тиз уза. Без, алабирделәр, аларның кайтуына чын күңелдән шатландык, – диде мәдәният хезмәткәре Алсу Шаһиәхмәтова.

Туган телләр һәм халыклар бердәмлеге елы кысаларында Олы Тарханның “Тү­гәрәк күмәч” балалар бакчасында “Аулак өй” дип исемләнгән чара уздырылган.
– Балаларга борынгы гореф-гадәтләрнең, йо­лаларның үзенчәлекләре турында өйрәтәбез һәм аларны чаралар рәвешендә сабыйларның күңеленә салып калдырырга тырышабыз. Аулак өйне үткәргәндә сабыйлар бик шатланып татар халык уеннары уйнадылар, “Әпипә” биюен башкардылар, җырладылар”, – диләр балалар бакчасы педагоглары.