Сугышчыларны хөрмәт белән искә алганнар

(Тәтеш, 8 декабрь, “Тәтеш таңнары”). Байраш авылы җирле­гендә Билгесез солдат кө­ненә багышланган “Беркем дә, бернәрсә дә онытылмый” дип исемләнгән тантаналы митинг булып узган.

– Митингны авыл җирлеге башлыгы Гобәев Әсхәт Минзаһит улы ачып җибәрде. Чарада Бөек Ватан сугышы елларында һәлак булган барлык кешеләрне, сугыш кырында билгесез югалганнарны бер минут тынлык белән искә алдык. Яшь армиячеләр “Ватанны саклау­чыларга дан” обелискына чәчәкләр салдылар, – дип хәбәр итте авыл кешеләре.