Тәтештә бүген, Ватан Батырлары көнендә, хәтер митингы булды.

(Тәтеш, 9 декабрь, “Тәтеш таңнары”). Тәтештә бүген, Ватан Батырлары көнендә, хәтер митингы булды.

Дан Мемориалы янына шәһәрдәге предприятиеләр һәм оешмалар вәкилләре, яшь армиячеләр, гражданнарны яклау көллияте курсантлары җыелды.

Чарада район башлыгы урынбасары Евгений Курков, районның хәрби комиссариат начальнигы Фәнис Гарифуллин чыгыш ясап, Тәтеш җирендәге якташларыбызның батырлыгы хакында билгеләп үттеләр.

Кадет мәктәп-интернаты курсантлары Советлар Союзы Герое исеменә лаек булган тәтешлеләрнең бюсты янына тезелеп, аларга хөрмәт белдерделәр.
Җыелучылар митинг ахырында Мәңгелек утка чәчәкләр салдылар.