Бакчада кыяр өлгерде

(Тәтеш, 13 июль, "Тәтеш таннары").  Стерильләштерелгән 3 литрлы банканың төбенә лавр, карлыган, чия яфраклары, укроп, 2-3 төш сарымсак салып, уртача зурлыктагы кыярларны тутырабыз. Шуның өстенә кайнап чыккан су коябыз. Биш минуттан соң суны кәстрүлгә бушатабыз һәм 2 аш кашыгы тоз, 3 аш кашыгы шикәр комы, 1 лавр яфрагы, 5-6 кара борыч, 3-4 канәфер салып кайнатып чыгарабыз.

Маринадка 1 чәй кашыгы лимон кислотасы яки 1 чәй кашыгы уксус кислотасын уттан алгач кәстрүлгә салырга кирәк. Аннан соң чәй кашыгының очы белән генә төелгән кызыл борыч салабыз да банканы капкачлап төреп куябыз.