Фасоль белән салат

(Тәтеш, 1 июнь, “Тәтеш таңнары"). Әзерләү өчен кирәкле катнашмалар:
• пешкән тавык ите (филе) – 300 грамм;
• шампиньон гөмбәсе – 200 грамм;
• консервланган фасоль – 200 – 300 грамм;
• суган – 2 данә;
• тәменчә тоз, борыч; майонез; яшел суган ­
яки петрушка;
• сыр – 100 – 150 грамм; йомырка – 3.

Тавык итен шакмаклап турыйбыз. Шампиньон гөмбәсен суган белән майда кыздырабыз. Пешкән йомырканы шакмаклап турыйбыз. Фасоль, тоз, борыч, яшел тәмләткечләр, майонез салып барысын бергә болгатабыз.  Сырны өстенә бизәр өчен угычтан уып сибәбез. Барлык әйберләргә кушып болгатырга да мөмкин.