Рецепт: Помидор белән йомырка салаты

(Тәтеш, 1 октябрь, "Тәтеш таңнары").

Кирәк: 4 кызыл помидор, 2 йомырка, 1 баш суган, 4 аш кашыгы каймак, ярты бал кашыгы тоз, пычак очында кара борыч.
Йомырканы каты итеп пешерәбез. Суынгач, кабыгыннан чистартып, түгәрәкләп турыйбыз. Суган белән помидорны юып чистартабыз. Барысын да түгәрәкләп турап, салат савытына катлап салабыз. Һәр катламга тоз, борыч сибәбез, каймак кушабыз. 
Салатның өстен яшел петрушка, укроп, сельдерей белән бизибез. 
Тәмле булсын!