Сабакларны чабарга вакыт

(Тәтеш, 26 июль, "Тәтеш таңнары", Ирина Ефимова). Бәрәңге алыр вакыт җиткәч, иртә өлгерә торган сортлы бәрәңгене тикшерү өчен казып карагыз. 

Әгәр уңыш инде “түгәрәкләнгән”, ә сабагына фитофтороз һәм колорадо коңгызы зыян салган булса, бәрәңгене ала башласаң хәерлерәк – беренче чиратта чәчүлеккә дигәнен. Көзге яңгырларны көтмәгез һәм фитофтороз белән колорадо коңгызы яшь бүлбеләрне зарарлауга юл куймагыз. Ләкин башта, җыйганчыга кадәр якынча бер атна алдан, уңышны инфекция­ләрдән саклар өчен, сабагын чабып алыгыз. 

Чәчүлек бәрәңгене үстергән вакытта комбинацияле ысулны куллану нәтиҗәле – сабакны чабып алганнан соң, аның төпләренә бакыр купоросы сиптерергә кирәк (10 литр суга 40 грамм). Бу яшь үрентеләр үсеп чыгуны һәм аларның вирус инфекциясе белән зарарлануын ­тоткарлый.