Тавык һәм сыр белән салат

(Тәтеш, 10 июнь, “Тәтеш таңнары").   Фета сыры белән тавыктан бик тәмле салат килеп чыга. Соя соусы әлеге салатка аерым бер тәм бирә.

Кирәк: тавыкның күкрәк ите – 1 данә, суган – 1, кызыл борыч – 1, салат яфраклары, зәйтүн җимеше – 150 грамм, фета сыры – 200 грамм, зәйтүн мае, бер кашык соя соусы.

Әзерләү: тавык итенә тоз, борыч сибәргә, ике яклап кыздырырга. Борычны озынча итеп турарга һәм табада кыздырырга. Суганны алкалап турарга. Кыздырылган тавык итен җепселләргә аркылы кисәргә. Тәлинкәгә салат яфраклары тезәргә, аннары тавык ите, пешерелгән борыч, зәйтүн җимешләре һәм өскә шакмаклап туралган фета сыры куярга. Зәйтүн мае сибеп җибәрергә һәм соя соусы өстәргә кирәк.