Бабалары белән горурланалар

Хисаметдин Сәла­хетдин улы Сәлахетдинов 1912 елның 10 гыйнварында туган. Язмыш аны бик нык сынаган. 

Аның сөйләгәннәре буенча түбәндәге хатирә­ләр сакланып калган: “Тормышта күп кыенлык­лар кичерергә туры килде. 1939 – 1940 елларда Фин сугышында катнаштым. Әмма алда мине тагын да катлаулырак сынаулар көткән булып чыкты. Аның иң коточкычы һәм канкойгычы – илебезгә немец гаскәрләре бәреп керү һәм Бөек Ватан сугышы башлану. 1941 елда ирекле рәвештә сугышка киттем. Күргәннәремне сөйләү генә түгел, хәтта искә дә төшерәсем килми. 1945 елның ноябрендә миңа кече ватаныма кайту бәхете насыйп булды. Балаларга бары тик бер теләк, андый сугышлар башка кабатланмасын, күк йөзе аяз булсын иде”.

Хисаметдин Сәлахетдин улы Сәлахетдинов Бөек Ватан сугышында күрсәткән батырлыклары өчен күп орденнар һәм медальләр белән бүләкләнгән. 

Сугыштан соң ул туган җирендә хезмәт куйган, Олы Шәмәк авы­лының машина-трактор паркында тракторчы-машинистлар бригадасы бригадиры булып эшләгән. Өйләнеп, гаилә корган. Хатыны Фәһимә Гафиятулла кызы белән бәхетле гомер кичергәннәр. Аларның тормышларына ямь өстәп бер-бер артлы 10 балалары туган, ләкин, ни аяныч, хәзерге вакытта бары тик икесе генә исән. 

Сугыш елларын кичер­гән ве­теранның балалары, оныклары үзләренең әтиләре, бабалары бе­лән чын күңелдән горурланалар һәм аны сагынып искә алалар. 

Хисаметдин Сәлахет­динов 2005 елның 3 октябрендә вафат булган. Кече Тормы авылында җирләнгән. 

фотоны Рушания Мусина тәкъдим итте