Тәтештәге 1нче урта мәктәпкә үз белемнәрен тикшереп карар өчен төрле яшьтәге 106 тәтешле килде, иң өлкәненә – 63 яшь, иң яшенә – 16.
(Тәтеш, 14 ноябрь, Тәтеш таңнары). Әлеге мәдәни-белем чарасы чираттагы, өченче тапкыр, кешеләрнең этнографик дәрәҗәдәге зиһенен һәм Россиядә яшәүче халыклар турындагы белемен бәяләргә мөмкинлек бирә.
Тәтештәге 1нче урта мәктәпкә үз белемнәрен тикшереп карар өчен төрле яшьтәге 106 тәтешле килде, иң өлкәненә – 63 яшь, иң яшенә – 16. Һәркайсына 30 сорауга җавап бирергә кирәк булды: 20се – барысы өчен дә уртак, 10 төбәкнеке – һәрбер субъект өчен бердәнбер. Сораулар милли үзенчәлекләр, тарих, география, дин, телләр, әдәбият, архитектура, музыка, бию, илебездә яшәүче халыкларның аш-суына багышланган иде. Райбашкарма комитет җитәкчесе урынбасары Гөлнара Кирилина тест узучыларны сәламләп, болай диде: “Халыклар бердәмлеге көненә туры китерелгән акциядә катнашырга теләүчеләрнең быел күбрәк булуы сөендерә. Киләсе елга сез бирегә үзегезнең туганнар һәм якыннарыгыз белән килерсез дип өметләнәм. Безнең бурыч шуны күз уңында тота, тәтешлеләрнең үз тамырларын, борынгы гореф-гадәтләрен өйрәнүгә, янәшәбездә яшәүчеләр хакында күбрәк белү теләкләре артсын иде. Чөнки белем төрле милләт кешеләре арасында үзара хөрмәт һәм татулык өчен нигез булып тора”.
“Укучылар” 45 минут дәвамында сорауларга тырышлык белән җавап бирделәр.
Тәтештәге 2нче урта мәктәп мөгаллимәсе Миләүшә Галиуллина акциядә катнашуны үз бурычы дип саный һәм тестны өченче тапкыр уза. “Миңа калса, үткән елны катлаулырак булды, – диде ул. – Яки шулай да тарих һәм республикабыз гына түгел, шулай ук иксез-чиксез Ватаныбызда гомер кичерүче халыкларның да гореф-гадәтләре белән кызыксыну тагын да ярдәм иткәндер, мөгаен”.
Гражданнарны яклау көллиятенең беренче курсында белем алучы Артем Чекалкин тәүге тапкыр килгән. “Башкарып чыктым, үз ягым турында шактый күп беләм, ә кайбер темалар әле өйрәнелмәгән. Зыян юк, барысы да алда, этнография өлкәсендәге үземнең белем дөньясын киңәйтәчәкмен”, – диде яшь егет күтәренке рухта.
“Үз белемеңне тикшереп карау һәрвакытта кызыклы, – дип уртаклаштылар авыл хуҗалыгы техникумы студентлары. – Хәзер инде нинди танып белү әдәбиятын укырга кирәклеген аңладык”.
Этнографик диктант язган тәтешлеләр уртаклашканча, бу көнне алар Россия территориясендә яшәүче барлык халыклар белән нык элемтәдә булуны тойганнар.
Нет комментариев