Нина Канашова Чинчуринода инде 13 елдан бирле хезмәт күрсәтә

(Тәтеш, 4 март, “Тәтеш таңнары”). 

Нина Канашова Чинчуринода инде 13 елдан бирле хезмәт күрсәтә, һәм авыл халкы аның килүен көтеп тора, ди ул.  
– Почтальоннан киткән идем, аннары кабат кире килдем, тулаем ­алганда 13 елдан бирле эшлим инде, – дип уртаклаша ул. – Авылда бездән башка берничек тә булмый, үтенәләр – барам, мин дә кешеләрдән башка булдыра алмыйм. Газеталар, пенсияләр, квитанцияләр таратам, товарлар алып барам. Үзем дә вакытлы матбугатны күп яздырам, әгәр төрле-төрлеләрне рәсмиләштермәсәң, башкаларны газетага язылу өчен ничек үгетләп булсын ди.
Минем участокта җиде урам бар, юл озын, сукмак­ларны кар тутырган вакытлар да була, шулай да чистартырга тырышалар, этләргә килгәндә проблемалар юк. Авыл кешеләре мине көтеп тора, кайчагында сөйләшәм дә: кемдер кыен хәрәкәтләнә, җирлектәге яңалыкларны беләселәре килә. Ни аяныч, халык елдан-ел кими бара, ә болай зарланмыйм, газета таратып йөргәндә ял итәм дип әйтергә була.
Кушкуйдан Геннадий Гор­ланов почтальон булып бишенче ел хезмәт куя.
– Шушы вакыт эчендә кешеләргә күнектем ин­де, күңелемә якынайдылар, – ди ул авылдашлары ­турында.  
Почта бүлеге начальнигы үзенең хезмәттәшләренә сөенеп туя алмый: – Тырышлар, җаваплылар, бернинди һава торышы да куркытмый аларны, ничәшәр чакрым юлны җәяү үтәләр, кешеләр белән уртак тел табалар, шуңа күрә дә район газетасы планын без хәтта арттырып үтәдек, ә бу җиңелләрдән түгел.