Бер-берләренең җиңүләренә сөенәләр

(Тәтеш, 1 май, «Тәтеш таңнары»). Өстәмә белем бирү үзәгендә эшләп килүче “Импульс” хо­реография берләшмәсендә 13тән 18 яшькә кадәрге 15 кыз шөгыльләнә.

“Йолдызлык-2019” фестиваленең район этабында алар “Хореография” номинациясендә өченче булды. “Репертуар сайлау белән барысы да гади: күңелгә нәрсә ошый, шуны алабыз, иң мөһиме, балаларга ошасын. Кызлар бер-берләренә яр­дәм итәләр һәм бер-берсенең җи­ңү­ләренә чын кү­ңелдән шат­лана­лар. Безнең бер­­ләшмәгә нибары 2 ел. Шулай да, ки­ләчәккә планнар – гаять зурдан, әмма алар турында әлегә сөйләмибез, тамашачылар барысын да күрер”, – дип уртаклашты берләшмә җитәкчесе, өстәмә белем бирү педагогы Нина Еркина.