Чисталык үзебездән башлана

Ике айлык вакытында торак пунктларны, терлекчелек фермаларын, производство объектларын, парклар, балалар мәйданчык­ларын, зират территорияләрен җыештыру планлаштырыла, юлларны, аның тирә-якларын, тротуарларны, юл тамгаларын тәртипкә китерү, шәһәр һәм авылларны яшеллеккә күмү: агачлар утырту, чәчәклекләр ясау күздә тотыла. Шәһәрне төзекләндерү ка­гыйдәләрен үтәү өстендә тикшерү көчәйтеләчәк, хокук бозучыларга закон тәртибендә каралган канун нигезендә чаралар кулланылачак. Эшләрнең төп өлеше ТКХ һәм төзекләндерү өлкәсендә хезмәт куючы подряд оешмалары көче белән башкарылачак.
Шулай да бары тик торак хезмәтләр көче белән генә барлык ишегалларына һәм урамнарга чис­талык урнаштыру авыр, шуңа да шәһәрне һәм авыл җирлекләрен җыештыруда битараф булмаган кешеләр, предприятиеләр коллективлары, биналар һәм корылма хуҗаларының барысының да катнашулары, кулдан килгәнчә булышулары кирәк. Шәһәребез һәм районыбызның чисталыгы безнең үзебезгә бәйле!
Елена: 
– Мин СССР заманында туган кеше. Ул чак­ларда шимбә өмәләрендә күмәк рәвештә катнашу кабул ителгән иде. Балачакта мин өч катлы йортта яшәдем, һәм бернинди күрсәтмәләрсез, өлкәннәр дә, без – балалар да, бергәләп чык­тык һәм йортыбыз ишегалдын теләп җыештырдык.
Рөстәм: 
– Үзебез чүплибез, аннары гайрәтләнеп җыештырабыз. Шулай да шәһәребез чиста, анда яшәүчеләр – культуралы һәм тәртип­ле. Мин шимбә өмәләренә теләп чыгам, теләсә нинди башлангычларны хуп­лыйм.
Алексей:
– Һәр елны яз аенда йорт яны территория­ләрен тәртипкә китерәбез һәм Кошки-Новотимбаевода чисталык урнаш­тыруга ярдәм күрсәтәбез. Этномәдәни парктагы тротуарны инде кардан арындырдык. Кешеләрнең аны төзекләндерүдә булышырга әзер булулары сөендерә. Елена Бауман һәм Зоя Карпова хәбәр иткәнчә, паркны бизәр өчен чәчәк үсентеләре аларның тәрәзә төп­ләрендә үз сәгатьләрен инде көтә икән.
Маргарита:
– Яз – тәртип салыр вакыт. Өмә игълан ите­лүен көтеп тормасак та була, тер­ритория­ләрне төзекләндерү – ул һәркайсыбызның эше. Һава торышы шартлары мөмкинлек бирүгә үк, ишегалларын җыештырачакбыз, клумбалар белән шөгыль­ләнәчәкбез. Яшьләр аланнарны, калкулыкларны чүптән арындыру буенча акцияләр оештырсын иде. Беренча май, Җиңү көнен чисталыкта каршылау үзебезгә дә күңелле!
Ринат: 
– Үзем дә чүпләмәскә тырышам, өйдәгеләр дә чисталыкны ярата. Мин Тәтешне, үземнең районны яратам. Бу минем туган йортым, биредә мин тудым.
Сораштыруны Мәдинә Ибәтуллина алып барды