Игелекле фея һәм вазифасы буенча педагог

Педагог хезмәт юлын 1943 елда башлап, үзенең бар гомерен балаларга багышлый – бу вакытта безнең шәһәргә Ленинградтагы балаларны эвакуациялиләр. Олыраклар Тәтеш педагогия училищесына керәләр, Галина Александровна ан­да рус теле һәм әдәбияты укыта.
Сугыш вакытындагы студентлар арасында Мария Шольтес-Әминова дигән кыз да була. “Кронштадт хәбәрләре” гәҗитендә бас­­­тырылган үзенең “Язмалар” очеркында ул укытучы турында аерым бер җылылык белән язган: “Минем сыйныф җитәкчем уку барышында мине кайгырткан игелекле фея булды: кулыма йә пирожки, йә өйдә пешерелгән күмәч тот­тыра иде”.
Галина Александровнаның  нәкъ тә менә Татария АССРның Мәгариф министрына юллаган язмасы балалар йортында  тәрбияләнүчегә педагогия училищесын тәмамлаганнан соң алга таба институтта укуын дәвам итәргә мөмкинлек бирә. 
Педагог биографиясеннән тагын бер факт билге­ле. Никифоровка дигән кеч­кенә авылдан булган гади кыз буларак, ул студент елларында куелган театр күренешләрендә төп рольләрне уйный. Ул чак­лардагы танылган актер Ордаров спектакльләрнең берсендә аның башкаруын күреп, аны Мәскәүдәге театр институтына чакыра. Ләкин булачак педагог сайлаган һөнәренә тугры кала һәм уннарча ел элек кичәге мәктәп укучыларының белемен камилләштерә, аларны классикларның әсәр­ләре белән таныштыра.
Галина Александровна туу­га быел йөз яшь тула. 
Ул инде исән түгел, ләкин рәхмәтле студентларының күңелендә ул гадел һәм ярдәмчел, шулай ук квалификацияле башлангыч сыйныфлар укытучыларының берничә буынын әзерләгән остаз буларак мәңгегә уелып калган.