Миньоннар тамашачылар күңеленә хуш килде
“Әкият” балалар бакчасының “Йолдызчыклар” бию коллективы “Йолдызлык-2019” фестиваленең район этабында чираттагы тапкыр чыгыш ясады.
Коллектив “Җиләк тарихы”, “Миньоннарның туган көне” дигән матур композицияләре белән жюриның, тамашачыларның күңеленә хуш килеп, “Хореография” номинациясендә беренче урынны алды. “Йолдызчыклар” составында 4тән алып 7 яшькә кадәрге 27 бала бар. Алар тарафыннан катлаулы бию хәрәкәтләре һәм күренешләр башкарылды, бик яшь булуларына да карамастан, балалар куелган бурычны үтәделәр.
Репертуар сайлаган вакытта тәрбияләнүчеләрнең дә мәнфәгате һәрвакытта исәпкә алына. Бию аларның үзләренә дә, тамашачыларга да аңлаешлы булырга, ә күренештә – тарих “укылырга” тиеш, – ди бию коллективының сәнгать җитәкчесе Лилия Минневәлиева.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев