Мәхәббәт явыз, яки Күрәзәчегә барма

(Тәтеш, 16 май, “Тәтеш таңнары"). “Мәхәббәт явыз, яки Күрә­зәчегә бар­ма” спектаклендә кү­ренеш без­нең көннәрдә, авылда бара. Тормыш үз агымы белән ага, ләкин беренче чибәркәй Нас­тя (Ирина Трофимова) Америкадан кайткач, барысы да үзгәрә. Сюжетның мәкерле ягын аның апасы Елизавета Петровна (Елена Павлова) китереп чыгара. Ул бертуганының кызы чит илгә китмәсенгә комачаулар өчен, күршеләре Михеич (Надежда Горщевская) белән аның хатыны Екатерина Романовнадан (Ольга Земкова) ярдәм сорый. Бабай янәсе Пашкага (Анастасия Панферова) Нас­тяның мәхәббәте өчен көрәштә булышырга ниятләп, чын “хәрби хәрәкәтләр” китереп чыгара.

Үзешчәннәрне хупларга бары тик ямбактылылар гына түгел, шулай ук күршедәге Алабирде, Льяш, Олы Бисәр авылларында яшәүчеләр дә килгән иде. Тамаша залында бер генә буш урын калмады, ә артистларның сәхнәгә һәрбер тапкыр чыгуын тамашачылар көчле алкышлар белән ­каршылады.