Музыка үрләрен яуларга әзерләнә

(Тәтеш, 9 июнь, “Тәтеш таңнары"). Ринәлә Хәлиуллина кечкенә чактан ук республика һәм район күләмендәге бәйгеләрдә катнашып, яхшы нәтиҗәләргә ирешкән.

Балалар сәнгать мәктәбенең фортепиано классына кыз 2017 елдан йөри, шул чакта ук ул “Алтын ачкыч” вокаль ансамбле катнашучысы була. “Ринәлә өстәмә рәвештә соло вокалы белән күптән түгел генә шөгыльләнә башлады. Ул балалар сәнгать мәктәбендә музыкаль-теат­ральләштерелгән күренешләрдә даими катнаша һәм яңа музыкаль үрләргә ирешергә әзерләнә”, – дип уртак­лашты кызның сәнгать җитәкчесе Владлена Голова. Ринәлә Хәлиуллина “Йолдызлык-2019” фестиваленең район этабындагы “Вокал-соло” номинациясендә икенче урынны алды.