Җыр-моң дулкынында

Район мәдәният йорты фой­е­сында учреждениенең каза­ныш­ларын күрсәткән күргәзмә бизәлгән иде. “Хезмәт кешеләре”  дигән мәгълүмати гәҗиттә территориаль фондның эш нәтиҗәләре һәм төрле дәрәҗәдәге бүләкләре тәкъдим ителгән иде.  Залга керү юлында тамашачыларны тимер юлчы хезмәткәрләре киемнәре кигән чибәр кызлар каршы алды һәм һәркемгә “Бәхетле билет” тапшыр­ды. Без аңа тизрәк күз салып алыр­га ашыктык: “12 апрельдә сезне яхшы кәеф Экспресс­ында ­“Яз.Ру” станциясеннән “Тәтеш.Ру” станциясенә кадәр сәяхәт итәргә чакырабыз. Сәяхәт барышында сезне РПФ коллективының юл бригадасы озатып йөриячәк”.
Чакыру яңгырады – һәм күренеш башланды. Концертта катнашучылар сәхнә артыннан, залдан перронга кулларына чемоданнар тоткан килеш чыктылар һәм “Сәлам, яз” дигән күңелле җырны башкардылар. “Поезд” юлга кузгалды.
“Без сезнең белән әлеге “экспресста” юлдашлар. Барыбыз да биографиябез рельслары буйлап ашыгабыз... ә яннан еллар – чакрымнар җилдәй җилдерә...” алып баручылар Алексей Никоноров белән Наталья Артемьеваның сүз­ләре уйланырга мәҗбүр итте. Әмма сәхнәгә “Атлантида” вокаль төркемендә катнашучылар чыккач, фи­ло­­со­фия белән сугарылган моң­сулык юкка чыкты һәм “Яз­гы танго” җырын җанга үтеп керерлек итеп яңгырады.
Шуннан соң тамашачылар балаларның Самуил Маршак­ның “Багаж” шигырен сәхнәләштерүен тәэсирләнеп карады. “Иҗади дәрт” бию коллективының “Танго”сы бик матур тәмамланды – ир-атлар гүзәл затларга кызыл розалар бирде.
Сергей Кузнецов башкаруындагы “Йомырка салучы тавык” пародиясе залдагылар­ның күңелен канатландыр­ды. Кү­ренешләрне һәркем бик канәгатьләнеп күзәтте. Мәктәп укучылары башкаруындагы богема полькасы әйтерсең лә безне XIX гасырга алып кайтты. 
Тәтеш районы пенсия фонды начальнигы Ирина Большакованың чыгышы бәйрәм прог­раммасының иң тәэсирле миз­гелләренең берсе булды. Ул “Сез мәхәббәттән уңыгыз” дигән җыр­ны башкарды.
Бәйрәм ярышының теләге символик булды. Оештыручылар уйнатыла торган номерларны илебез тарихындагы әһәмиятле да­талар белән бәйләгән. Вакыт сизелми дә узды, менә “поезд” “Тәтеш.Ру” станциясенә җитә!
“Исәнмесез, кадерле дус­лар!”, “Ыра кун пултар. Менле халсем?”, “Шумбраши!”, “Здо­рово, земляки!” – дигән сүзләр ахырдан татар, мордва, чуаш, рус телләрендә фольклор төркемнең сәхнәдән сәламләве буларак яңгырады. Безнең районда кешеләр тынычлыкта һәм дуслык­та яши. “Язын, җәен, көзен һәм кышын барысы да сезнең өчен бик яхшы булсын! Бернәрсә һәм беркем дә сезнең кәефне төшермәсен, ә җанланып килгән табигать көч һәм зирәклек бирсен өчен, әлеге матур дөньяга рәхмәтле булырга кирәк!” – дип теләде һәркемгә Ирина Большакова.
Төрледән-төрле жанрдагы барлык чыгышлар тамашачы тарафыннан бик җылы итеп кабул ителде һәм беркемне дә битараф калдырмады. Җыр-моң, аны башкару үзенчәлеге, видео­роликлар – мини-спектакльдә барысы да бергә үрелеп барды, аны тамашачылар көчле алкышлар белән бәяләде.
Бердәм рәвештә башкарылган “Без парольне беләбез” җыры бәйрәм оештыручыларның шигаре буларак яңгырады. 
Иҗат отчеты шәһәрдәге күп кенә оешмалар кебек, төп эшчәнлекләреннән тыш, тәтешлеләрне үзләренең иҗатлары белән сөендерергә әзер икәнлеген чираттагы тапкыр раслады.
Ләйсән Мантова (автор фотосы)