Авыл халкы күңелләренә рухи ял алган

Мәдәният учагына ки­­­лү­­че­ләр фойеда ­су­гыш ва­кыт­ларының ­ар­хив до­ку­ментларын һәм фотосурәтләр белән пат­риотик экспозиция­ләр­не, педагог Равил Бускин­ның сугыш турында язган китапларын, авыл клубында эш­­ләп килүче “Оста кул­лар” түгәрәгенә йөрүче Ди­нә Ибәтованың, авыл кешеләре Наилә Әбелханова, Фәния Рәхмә­тул­линаның кул эш­лән­­мәләрен ­кы­зык­сы­нып караганнар. Шулай ук бире­дә оешты­рылган татар милли ри­зык­лары күргәзмәсе дә һәркемне үзенә җәлеп итеп торган. 

Тамашачылар үзешчән­нәр белән бергә сугыш ва­кытларының барлык кы­енлыкларын: аерылышу ачысын, сөйгән ярларын, ирләрен, улларын зарыгып көтү, сагыну, югалту миз­гелләрен, Җиңүдән соң кабат бергә яшәү, кавышу шатлыгын күз алдыннан кичергәннәр. Хәзерге ва­кытта махсус хәрби опера­циядә катнашу­чылар­ һәм хәрби бурычын үтәгәндә һәлак булучылар турындагы тәкъдим итү күрсәтелгәндә күпләр яшь­ләрен тыеп кала алма­ган. Олытарханлылар әй­түенчә, мәдәният йортын­да эшләп килүче “Һәвәс­кәрләр” оешмасына йөрүче волонтер балалар, әбиләр солдатларга ярдәм итүдә үзләреннән зур өлеш кертә. Бу да биредә яшәүчеләр өчен үзенә бер төрле горурлык!  

Үзешчән артистлар бию, җыр һәм театраль­ләш­­­те­релгән күренешләр аша Бөек Җиңүгә бары тик ышаныч, өмет, Ватанга мәхәббәт һәм халыкның бердәм булуы нәтиҗәсендә генә ирешергә мөмкин булуына тагын бер кат инан­ганнар. Өлкән бу­ын кешеләренең утлы ел­ларның авыр үткәнен ис­кә төшергәндә күзләре яшь­ләнсә, яшьләр тыныч тормышның ниләр бәра­бәренә, ничек яулап алы­нуын йөрәкләре аша үткә­реп, әрнеп караганнар. 

Ахырдан ­тамашачы­лар үзешчәннәргә үзләре­нең рәхмәт сүзләрен аягүрә басып алкышлар белән белдергәннәр.

– Әлеге концертны ка­раганда сугыш елларын­дагы авырлыкларны күреп еладык та, Җиңү шат­лы­гын кичереп шат­ландык та. ­Үз­ешчән­нәр­нең артистларча оста уй­нау­ларына, тарихи ва­кый­ганы йөрәкләргә үтеп ке­рер­лек итеп башкару­ла­рына сокланып утырдык. Бик матур концерт ка­рап, күңелләргә рухи ял ал­дык, – дип уртаклаштылар олытарханлылар. 

фото: Наталия Фролагина