Барлык оешмаларның җитәкчеләренә моны белү мөһим
Җәмгыять

Барлык оешмаларның җитәкчеләренә моны белү мөһим

Предприятиеләрдә янгын куркынычсызлыгы өчен җаваплы кеше булырга тиеш.

(Тәтеш, 31 март, «Тәтеш таңнары»). Закон таләпләре ниге­зендә, предприятиедәге янгын куркынычсызлыгы өчен җаваплылыкны барын­нан да элек аның турыдан-туры җитәкчесе, шулай ук әлеге хезмәт юнәлеше өчен җаваплы итеп куелган махсус билгеләнгән хез­мәткәр йөртә, – ди ТР буенча Россия ГТХ ДИнең Тәтеш районы күзәтчелек эшчәнлеге һәм профилактик эшләр идарәсенең янгын күзәтчелеге өлкән инс­пекторы Денис Сафиуллин. – Аңа түбәндәге мәҗбүри таләпләр йөкләнә: оешмада кимендә 3 ел хезмәт стажы булу; предприятиенең җитәкчелек составына зарурилык һәм аны предприятие буенча боерык нигезендә раслау.

Әле­­­ге җаваплы кеше моның бе­лән беррәттән тиешле уку узар­га тиеш, бу курс гадәттә кимен­­дә 72 сәгатьне тәшкил итә, ди белгеч. 

Денис Сафиуллин әй­түенчә, предприятиедә янгынга каршы куркынычсызлык өчен җаваплы кеше вазифасына керә: инс­труктаж үткәрү; каралган тематика буенча ук оештыру һәм аттестация уздыру; өйрәнүләр һәм күнекмәләр үткәрү; кирәкле барлык документларны эшләү; сигнализацияләр, янгын сүндерү әйберләре­нең һәм системаларының ­торышын тикшереп тору.
 


Нет комментариев