Бурычлар тукталып тора

– Түләтү вакытлыча туктатылган бурычның гомуми суммасы 29 371 мең сумнан артып китте. Бу чаралар 206 бурычлыга кагылды. 
Ведомствоның 2026 елдагы эш динамикасы аеруча сизелә: 5 470 мең сумлык 94 производство туктатылды. Эшләр илле кешегә кагылды, – дип хәбәр итте бүлек начальнигы – өлкән суд приставы Андрей Наумов. 

Контракт төзүгә бәйле 10 235 мең сумлык 176 башкарма эш туктатылган, бу чара 77 бурычлыга кагылган. Шул ук вакытта Андрей Владимирович мөһим нечкәлекләрне ассызыклады: 

– Бурычларны бетерү бары тик кредит йөк­ләмәләренә генә кагыла. Закон алимент түләүгә, шулай ук гомергә һәм сәламәтлеккә китерелгән зыян өчен компенсацияләргә кагылмый – әлеге категорияләр буенча производство туктатылмый. 

Бурычны түләтүне туктатып тору МХО катнашучыларына бурычларны түләү мәсьәләләренә игътибарны юнәлтмичә, ә хәрби бурычларны үтәүгә юнәлтергә мөмкинлек бирә. Суд приставларының бу юнәлештәге эше дәвам итә һәм алар хәрбиләргә һәм аларның гаиләләренә ярдәм итүгә юнәлдерелгән.

МӨҺИМ: 25 майда Россия Президенты Владимир Путин 2026 елның 1 маеннан бер елдан да ким булмаган срокка контракт төзегән махсус хәрби операциядә катнашучылар һәм аларның тормыш иптәшләре  өчен срогы чыккан кредитлар буенча йөкләмәләрне туктатуны күздә тоткан законга кул куйды. 

Закон нигезендә, бурычлының бу датага кадәр үз көченә кергән бурычны түләтү турында суд карары, башкарма документы яисә аны үтәүгә күрсәтмәсе булырга тиеш. Шул ук вакытта бурычның гомуми күләме 10 миллион сумнан артмаска тиеш.

Бурычлылар өчен шундый ук норма 2024 елда ук кертелгән иде инде. Ул вакытта ул 2024 елның 1 декабреннән контракт төзегән МХО катнашучыларына кагылды.

фото: архив/Авангард