Чыршы кискән өчен штраф түләтергә мөмкиннәр

(Тәтеш, 19 декабрь, “Тәтеш таңнары”). Татарстанда 2020 елның 20 декабреннән “Чыршы” профилактик операциясе башланды.

“Әлеге чараның төп максаты – урман законын бозуны кисәтү. Операция 31 декабрьгә кадәр дәвам итәчәк.

Исегезгә төшерәбез, законсыз кисү, урман үсентеләренә зыян китерү гражданнарга 3тән 4 мең сумга кадәр, вазифаи затларга 20дән 40 мең сумга кадәр, юридик затларга 200дән 300 мең сумга кадәр штраф салуны күз уңында тота. Моннан тыш, агачны законсыз кискән зат, китерелгән зыянны капларга тиеш булачак”, – дип билгеләп үтә Тәтеш урманчылыгының урманны сак­лау һәм яклау буенча инженеры ­Надежда Миронова.