Һәр секунд мөһим

Дәүләт янгын күзәтчелеге хезмәткәрләре диспет­черга нәрсәләр хәбәр итәргә ки­рәклеге турындагы аңлат­маларны бәян иттеләр:
бәла-каза урынының адресы (торак пункт, урам, йорт номеры, корпус, корыл­ма, подъезд, кат);
нәрсә икәнлеге (мәк­тәп, сәүдә үзәге, ­предприятие);
янгынның торышы: фатир, йорт, офис, склад, транспорт;
кат яки бүлмә;
ачык ут яки төтен булуы;
электр җайланма­ларының януы;
шартлаулар яки шарт иткән тавышлар;
кешеләр турында мәгъ­лүматлар: бина эчендә кешеләр; балалар, картлар яки хәрәкәт итүе чикләнгән затлар; зыян күрүчеләр бармы икәнлеге;
эвакуация мөмкин­лекләре;
өстәмә куркынычлар (газ баллоннары; тиз кабынып китүчән сыеклыклар һәм газлар; химикатлар; электр җайланмалары һәм трансформаторлар);
производство җайлан­малары;
элемтәгә керү мәгъ­лүматлары: исем-фамилиягез, элемтә телефоны;

Хәбәр иткәннән соң дис­петчер сөйләшүне тә­мамлаганчы көтегез, чөнки төгәллек кертү өчен сораулар булырга мөмкин.

Шалтыратканнан соң нишләргә: бәла-каза уры­ныннан китмәгез, әгәр ул куркыныч булмаса. Тирә-юньдәгеләрне кисәтегез. Чыгаруны оештырыгыз. Электр килүне өзү чарасын күрегез.

Үзегезгә иминлек ыша­нычыгыз булса, ут сүндергеч җайланманы кулланыгыз.
Янгын сүндерүчеләрне көтеп торыгыз һәм ян­гын урынына бару юлын күрсәтегез.

Исегездә тотыгыз, ян­­гын турында ялган хә­бәр биргән өчен ад­министратив җавап­лы­лык – 1 000 сумнан 1 500 сумга кадәр штраф ка­ралган. Ә террорчылык куркынычы турында бе­лә торып җиткерелгән ял­ган шалтыратулар өчен җинаять җаваплылыгы – 700 мең сумга кадәр штраф яки иректән мәхрүм итүне күз уңында тота. Ашыгыч хезмәтләр телефоннары: 01, 101, 112.

фото яи ярдәмендә барлыкка китерелгән