Ил-көнгә, тормышыбызга иминлек теләп
“Барс” спорт-сәламәтләндерү комплексында Тәтеш районы башлыгы Рәмис Сафиуллов тарафыннан ифтар уздырылды.
(Тәтеш, 29 апрель, “Тәтеш таңнары”).
Анда Тәтеш районы, Казан, Ульяновски һәм башка төбәкләрдән килгән дин әһелләре, төрле тармакларда хезмәт куючылар, мәхәлләгә йөрүчеләр катнашты.
Ифтарда район башлыгы Рәмис Сафиуллов җыелучыларга ихлас күңелдән сәламәтлек һәм иминлек теләп мөрәҗәгать итте.
Ил-көн тынычлыгы, тормышыбызга иминлек теләп аятьләр укылды, районның имам-мөхтәсибе Инсаф хәзрәт Җәләлетдинов Рамазан ае хакында вәгазьләр сөйләде, азан яңгырады һәм җәмәгать намазы укылды.
Чара барышында эшкуар Нияз Гайнетдинов халыклар һәм диннәр арасында тынычлыкны ныгытуга, ислам нигезләрен үстерүгә керткән өлеше өчен ТР мөселманнары Диния нәзарәтенең “Бердәмлек” медале белән бүләкләнде.
Следите за самым важным и интересным в Telegram-каналеТатмедиа
Нет комментариев