Җәмгыять
Камыр рецепты
Теләсә нинди эчлек туры килә.
Килдештән Любовь Игнатьева үзенең ачы камыр кую рецепты белән уртаклашты. Аңардан пироглар йомшак һәм тиз искерми торган була.
2 стакан җылы суда 50 грамм чүпрә, 2 аш кашыгы шикәр комы һәм 3 аш кашыгы он болгатасың. Әлеге камырны 15 минутка җылы урынга куясың. Шуннан соң бер чәй кашыгы тоз, ярты стакан үсемлек мае, 4-5 стакан он өстәп, яхшылап басасың. Аннары савытны тастымал белән томалыйсың һәм яңадан җылы урынга урнаштырасың.
Камыр тиешенчә кабарып күтәрелгәч, аны куна тактасына төшерәсең дә азрак "ял иттереп" аласың һәм кисәкләргә бүләсең. Якыннарының пирогны нинди эчлек белән яратканын, һәрбер хуҗабикә үзе белә.
Следите за самым важным и интересным в Telegram-каналеТатмедиа
Нет комментариев