Кешелекле булу бик мөһим

(Тәтеш, 18 апрель, “Тәтеш таңнары”). Тәтеш шәһәренең үзәк паркында сәламәтлекләре буенча мөм­кинлекләре чикле балаларга иганә ярдәме җыю өчен меценатлар көче белән стационар контейнер урнаштырдылар. 

Ачык төстәге контейнер, тимер­дән коеп ясалган виноград яфраклары белән уратып алынган стендта акча җыюның максатлары һәм шартлары турында язылган тулы мәгълүмат узып йөрүчеләрнең игътибарын җәлеп итеп тора. 

Җомга көнне Ирина Таһиро­ва шә­һәр­леләр арасында беренче­ләрдән булып ярдәм фондына үз өлешен кертте.     

– Шундый проект уйлап тапкан һәм хәйрия контейнеры ясаган, кешеләр язмышына битараф булмаган тәтешлеләр булуы искиткеч. Кул осталары стендның һәм контейнерның бизәлешен бар күңелләрен биреп эшләгәннәр. Кызыксындыргыч арт-объект килеп чыккан, ә иң мөһиме – файдалы, – дип билгеләп үтте Ирина Борисовна. – Бу тартмада һәр кеше үзенең мәрхәмәтлелеге­нең бер өлешен ­калдыра ала.