Һәлак булучыларны хөрмәтләп

(Тәтеш, 24 июнь, "Тәтеш таңнары"). 1941 елның 22 июне, Бөек Ватан сугышы башланган көн – ил тарихында иң әрнүле көннәрнең берсе.  Быел митинг, пандемия белән бәйле санитар-эпидемиологик чараларны үтәп, иң аз сандагы кешеләр катнашуында булды. 

“Бөек Ватан сугышы халкыбызга күп афәт һәм кайгы-хәсрәт ­китерде. Сугышның барлык мих­нәтләрен һәм газап­ла­рын үз башыннан ки­черүчеләрнең, һәлак булган һәм бирелмәгән, үзләренең нәсел дәвам­чылары хакына хәрби һәм хезмәт батырлыгы күрсәтүчеләрнең барысын да без хәтерли­без, тирән хөрмәт белән искә алабыз”, – диде Тәтеш райо­ны башлыгы Рәмис Сафиуллов. 

“Намус һәм ватанпәр­вәрлек буш урында барлыкка килми, ул тирән тамырларга ия хәтерне үз үрнәгендә күрсәтеп барлыкка килә. Ватан өчен һәлак булучыларга безнең мөнәсәбәтебез күп яктан яшь буынның Ватанны саклауга әзер­легеннән тора”, – диде районның хәрби комиссары Фәнис Гарифуллин. 

Митинг Мәңгелек утка чәчәкләр салу белән тәмамланды.