Мин яратам сине, Келәш

(Тәтеш, 9 июль, "Тәтеш таннары").

– Һәр кешенең үз туган җире бар, ул барлык кешеләр өчен дә әти-әнисе кебек якын.
Минем туган авылым – Келәш. Матур табигатьле, бай тарихлы бик кунакчыл авыл ул Келәш. Бәлки, кемгәдер ул башкача күренәдер, ләкин минем өчен Келәш – барлык авыллардан да иң матурыдыр. Мин бик күп шәһәрләрдә булдым, әмма туган җиремне иң яхшысы дип саныйм. Мин үз авылымны бик яратам, ул минем күңелемә якын, ә иң мөһиме – биредә минем якыннарым һәм туганнарым яши. Күп кенә яшьтәшләрем кебек мин дә зур шәһәргә укырга китәрмен, әмма ничек кенә ерак булмасын, күңелем һәм йөрәгем белән туган җиремә ­тартылырмын.
Энҗе Саттарова